Parbhani Viral Video : शिक्षणाच्या आयचा घो.. सकाळी ७ वाजताच मुख्यध्यापाक दारू पिऊन शाळेत, परभणीतला व्हिडिओ व्हायरल

परभणीतून एक धक्कादायक प्रकार समोर आला आहे. परभणीतील गंगाखेड तालुक्यातील खोकलेवाडी येथील जिल्हा परिषद शाळेतील मुख्याध्यापक सकाळच्या सत्रात वर्गातच मध्यपान करत करत होते. विद्यार्थ्यांच्या पालकांनी या शिक्षकाला रंगेहात पकडल्यामुळे हा प्रकार उघडकीस आला आहे. या घटनेचा व्हिडिओ सध्या सोशल मीडियावर व्हायरल होत आहे.

गंगाखेड तालुक्यातील खोकलेवाडी येथील जिल्हा परिषद शाळेत मुख्यध्यापक सकाळी ७च्या सुमारास शिकवणीच्या वर्गात बसून मध्यपान करत होते. गेल्या काही दिवसांपासून ते शाळेत मुक्कामी राहत असल्याचं विद्यार्थ्यांनी पालकांना सांगितले. काही पालकांनी सकाळच्या सुमारास अचानक शाळेला भेट देऊन पाहणी केली. यावेळी शाळेचे मुख्याध्यापक मध्यपान करताना आढळून आले. पालकांनी त्यांना रंगेहात पकडून जाब विचारला.

मात्र झिंगलेल्या मुख्यध्यापकांना उत्तर देता आले नाही. पालकांनी मुख्यध्यापकांची तात्काळ बदलीची मागणी करत रोष व्यक्त केला आहे. जिल्हा परिषद शाळेतील खोल्यांची आणि स्वच्छतागृहांची अवस्था दयनीय आहेत. याबाबत पालकांनी मुख्याध्यापकाला जाब विचारला असता त्यांनी उत्तर दिले नाही. दरम्यान या शिक्षकावर कारवाई होणार का हे पाहणं महत्त्वाचं ठरेल