Mumbai Local Accident News | पुन्हा लोकलबळी, तोल गेल्याने तरुणाचा मृत्यू

लोकलच्या गर्दीमुळे आणखी एका तरुणाचा मृत्यू झाला आहे. गेल्या दोन महिन्यातली ही पाचवी घटना आहे. लोकलमधून प्रवास करताना मुंब्रा ते कळवा स्थानकादरम्यान एक तरुण लोकलमधून खाली पडला. या अपघातात तरुणाचा दुर्दैवी मृत्यू झाला आहे. कल्याणहून सीएसएमटी दरम्यान जाणाऱ्या फास्ट मार्गावर हा अपघात झाला आहे. मृत तरुणाची अद्याप ओळख पटलेली नाही. रेल्वे पोलिस या प्रकरणी शोध घेत आहे. काही दिवसांपूर्वी अशीच घटना घडली होती. डोंबिवलीहून एक तरुणी ठाण्याच्या दिशेने निघाली होती. तेव्हा ठाणे आणि कळवा दरम्यान ही तरुणी खाली पडली आणि तिचा मृत्यू झाला.