Israel Lebanon War: पश्चिम आशियात युद्धाचा भडका, इस्त्राईल-लेबनॉन संघर्ष कधी थांबणार?

भरत मोहोळकर, साम टीव्ही, प्रतिनिधी

पश्चिम आशियात युद्धाचा भडका उडालाय. इस्त्राईल आणि लेबनॉन एकमेकांवर रॉकेट आणि क्षेपणास्त्राचा मारा करत आहेत.या युद्धाच्या आगीत फक्त दहशतवादीच नाही तर सर्वसामान्य नागरिकही होरपळत आहेत.

रशिया युक्रेन युद्धावेळी युरोपिय महासंघ आणि अमेरिका युक्रेनच्या बाजूने उभे होते. मात्र पश्चिम आशिया पेटलेला असताना संयुक्त राष्ट्रांच्या सुरक्षा समितीतील देश बोटचेपी भूमिका घेत आहेत. त्याची नेमकी कारणं काय आहेत? जाणून घेऊ...

'संयुक्त' अपयश

• अमेरिकेतील निवडणुकीमुळे हॅरीस आणि ट्रम्प यांची बोटचेपी भूमिका.

• पॅलेस्टाईनचं समर्थन करणारा रशिया युद्धात गुंतलेला असल्याने युद्ध रोखण्यात अडचणी.

• वर्चस्वासाठी असलेली इराण आणि सौदी अरेबियातील स्पर्धा.

• चीन आर्थिक-राजकीय हितसंबंध जपण्यात मग्न.

इस्त्राईल आणि लेबनॉन असो वा रशिया युक्रेन युद्ध... या युद्धाचे चटके संपूर्ण जगाला बसतात. त्यातच संयुक्त राष्ट्रांच्या सुरक्षा समितीतील देश ठोस भूमिका नाहीत. तर भारत भूमिका घेत असूनही सुरक्षा समितीचं सदस्यत्व नसल्याने असहाय आहे. त्यामुळे बड्या देशांनी दहशतवादाचा जीव नेमका कुठे आहे? हे शोधून त्यावर घाव घालण्याची गरज आहे. तसंच पश्चिम आशियातील युद्ध थांबवण्यासाठी आधी शस्त्रसंधी आणि त्यानंतर पॅलेस्टाईन आणि इस्त्राईल या द्विराष्ट्र प्रस्तावावर समझोता करायला हवा. तरच पश्चिम आशियात स्थैर्य निर्माण होऊ शकतं. नाहीतर युद्धाची व्याप्ती वाढत जाणं हे सगळ्यांचंच सामुहिक अपयश ठरेल...