Video: राधानगरी धरण 100% भरले, धरणाचे सर्व स्वयंचलित दरवाजे उघडले

Kolhapur News: कोल्हापुरात गेले काही दिवस प्रचंड पाऊस सुरू आहे. राधानगरी धरणाचे 7 स्वयंचलित दरवाजे उघडले गेलेत. धरण पाणलोट क्षेत्रात पावसाचा जोर कायम आहे. कोल्हापुरातील या राधानगरी धरणातून 11,500 क्युसेक पाण्याचा विसर्ग सुरू झालाय. यंदाच्या पावसाळ्यात पहिल्यांदाच राधानगरी धरणाचे सर्व स्वयंचलित दरवाजे उघडले आहेत. राधानगरी धरण 100% भरल्याने सर्व स्वयंचलित दरवाजे उघडले. यामुळे भोगावती नदीकाठच्या गावांना सतर्कतेचा इशारा देण्यात आलाय. चार दिवसांच्या विश्रांतीनंतर पाणलोट क्षेत्रात पुन्हा मुसळधार पाऊस सुरू झालाय. सततच्या पावसामुळे पंचगंगा नदीच्या पातळीत वाढ होण्याची शक्यता वर्तवली जातेय.