Uttarakhand : उत्तराखंडमध्ये ढगफुटीसदृश पाऊस; मुंबईसह महाराष्ट्रातील 200 पर्यटक अडकले | VIDEO

उत्तराखंडमध्ये झालेल्या मुसळधार आणि ढगफुटी सदृश पावसामुळे गंभीर परिस्थिती निर्माण झाली आहे. मिळालेल्या प्राथमिक माहितीनुसार, महाराष्ट्रातील सुमारे २०० पर्यटक या नैसर्गीक आपत्तीमध्ये अडकले असून, यामधिल ५० जण मुंबईतील असल्याचे समजते. उत्तराखंड आणि हिमाचल प्रदेशातील अनेक भागांमध्ये पावसाने अक्षरशः थैमान घातले आहे. रस्ते कोसळले, अनेक वाहने पुराच्या प्रवाहात वाहून गेली आहेत. काही भागांमध्ये घरांमध्ये पाणी शिरल्यामुळे जनजीवन विस्कळीत झालं आहे, तर काही ठिकाणी घरं अक्षरशः पत्त्याच्या बंगल्यासारखी कोसळून जमीनदोस्त झाली आहेत. या मुसळधार पावसामुळे महापूर सदृश स्थिती निर्माण झाली असून, बचाव आणि मदतकार्य युद्धपातळीवर सुरू आहे. स्थानिक प्रशासन व आपत्कालीन यंत्रणा सतर्क असून, अडकलेल्या पर्यटकांचा शोध घेण्याचं काम सुरू आहे. नागरिकांनी सुरक्षित स्थळी थांबण्याचं व अधिकृत सूचनांचं पालन करण्याचं आवाहन करण्यात आलं आहे.