Rajgurunagar Rain News | पुण्यातल्या राजगुरूनगरमध्ये जोरदार पाऊस, आंब्याला फटका

पुणे जिल्ह्यातील राजगुरूनगर अवकाळी पावसाने हजेरी लावली आहे. राजगुरूनगरच्या पाईट परिसरात हा पाऊस पडला आहे. या पावसामुळे उकाड्याने हैराण झालेल्या नागरिकांना दिलासा मिळाला आहे. पण या पावसामुळे शेतमालाचे नुकसान झाले आहे. या पावसामुळे आंब्याला मोठा फटका बसला आहे. काढणीला आलेला आंबा खाली पडल्याने शेतकऱ्यांचे मोठे नुकसान झाले आहे. फक्त राजगुरूनगर नाही तर पिंपरी चिंचवड आणि कोकणातही अवकाळी पावसाने हजेरी लावली आहे. मुंबईतही अवकाळी पाऊस पडू शकतो असा अंदाज हवामान विभागाने वर्तवला आहे.