प्रवाशांनी खचाखच भरलेली एसटी बसने अचानक पेट घेतला; ड्रायव्हरच्या... अनर्थ टळला पहा व्हिडिओ

तुळजापूर - नळदुर्ग रोडवर धावणाऱ्या एसटी बसने अचानक पेट घेतल्याची धक्कादायक घटना घडली. तुळजापूरहून निलेगावकडे निघालेली एसटी बस तीर्थ बुद्रुकजवळ आग लागल्याने प्रवाशांमध्ये भीतीचे वातावरण निर्माण झाले. दरम्यान, ड्रायव्हरच्या सतर्कतेमुळे मोठा अनर्थ टळला. याचा व्हिडिओ आता व्हायरल होत आहे.

एसटीला आग लागली असल्याचं समजातच स्थानिकांनी घटनास्थळी धाव घेतली. तसेच एसटीतील प्रवाशांना वाचवण्याचा प्रयत्न केला. या घटनेची माहिती मिळताच महामंडाळाचे अधिकारी आणि पोलीस कर्मचारी घटनास्थळी दाखल झाले. त्यांनी एसटीला लागलेली आग विझवण्याचा प्रयत्न केला. तसेच प्रवाशांना एसटीतून सुखरूप बाहेर काढण्यात आले.

आगीचे कारण अस्पष्ट असून, बसच्या केबिनमध्ये स्पार्किंग झाल्याने बसने पेट घेतल्याची प्राथमिक माहिती समोर आली आहे. या घटनेनंतर परिसरात खळबळ उडाली आहे.