IAS तुकाराम मुंढेंना 'क्लीन चिट', भ्रष्टाचाराच्या आरोपात तथ्य नाही

Tukaram Mundhe Clean Chit News : सनदी अधिकारी तुकाराम मुंडे यांच्यावर करण्यात आलेल्या भ्रष्टाचाराच्या आरोपांबाबत एक मोठी आणि महत्त्वाची बातमी समोर आली आहे. या गंभीर प्रकरणात मुंडे यांना आता अधिकृतपणे 'क्लीन चिट' मिळाली असल्याचे स्पष्ट झाले आहे. ईओडब्ल्यू अर्थात आर्थिक गुन्हे शाखेने या प्रकरणाची सखोल पोलिस चौकशी केली होती. मात्र या चौकशीत त्यांच्याविरोधात काहीही आक्षेपार्ह किंवा कोणताही गैरव्यवहार आढळलेला नाही. खुद्द राज्याचे उद्योगमंत्री उदय सामंत यांनी विधानसभेत ही महत्त्वपूर्ण माहिती अधिकृतपणे दिली आहे. त्यामुळे तुकाराम मुंडे यांच्यावरील आरोपांमध्ये कोणतेही तथ्य नसल्याचे आता समोर आले असून, त्यांना या चौकशीतून मोठा दिलासा मिळाला आहे.