Shakuntala Railways | अबब! चोरट्यांनी थेट रेल्वे ट्रॅकच पळवला!

एकेकाळी पश्चिम वऱ्हाडाची लोकवाहीनी म्हणून ओळखल्या जाणाऱ्या ब्रिटीशकालीन शंकुतला रेल्वेचा तब्बल २० फुट अंतराचा लोहमार्ग चोरीला गेल्याची खळबळजनक घटना वाशीमच्या कारंजामध्ये घडली आहे. शंकुतला रेल्वेच्या मार्गाचे ब्रॉडगेजमध्ये रुपांतर करण्याला मंजुरी मिळाली आहे. मात्र ऐतिहासिक नॅरोगेजचे लोहमार्ग आजही पश्चिम  विदर्भातील काही जिल्ह्यात पसरले आहेत. आजही या लोहमार्गाची मालकी ब्रिटिश कंपनीकडे आहे. तर, अज्ञातांनी जवळपास २० फूट अंतराचा रेल्वे मार्ग कटरच्या सहाय्याने कापून वेगळा केला आणि त्याखालील जवळपास दोन ते तीन क्विंटल वजनाचे लोखंड गज गायब केले.