CM Warkari Mahamandal: वारकऱ्यांसाठी मोठी बातमी! पायी वारी करणाऱ्यांना मिळणार पेन्शन...

अर्थसंकल्पामध्ये वारकरी महामंडळ (Warkari Mahamandal) स्थापन करण्याची घोषणा अजित पवार यांनी केली होती. त्याच पार्श्वभूमीवर आता वारकऱ्यांसाठी राज्य शासनाकडून मोठा निर्णय घेण्यात आला आहे. मुख्यमंत्री वारकरी महामंडळ स्थापन करण्यात येणार असून, या महामंडळाचे मुख्यालय हे पंढरपुरात असणार आहे. महामंडळाच्या माध्यमातून वारकरी पेन्शन योजना देण्यात येणार आहे. महामंडळाला 20 कोटी रुपयांचा निधी देखील मिळणार आहे. महामंडळातून वारकऱ्यांना सुरक्षा विमा आणि संरक्षण कवच देणार आहेत.