Thane Rain Video: ठाण्याला आज रेड अलर्ट; शाळांना सुट्टी जाहीर, मुसळधार पावसाच्या पार्श्वभूमीवर प्रशासनाचा मोठा निर्णय!

काल (25 जुलै) अनेक जिल्ह्यात पावसाने हाहा: कार माजवला होता. दिवसभर पावसाने तुफान बॅटिंग केली होती. मुसळधार पावसामुळे अनेक ठिकाणी दरड कोसळल्याच्या घटना घडल्याच्या देखील समोर आल्या. त्याचबरोबर अनेक सखल भागात पाणी साचलं होतं,त्याच्या मोठा फटका वाहतुकीला देखील बसला होता. त्यामुळे आज अनेक जिल्ह्यांना रेड अलर्ट जारी करण्यात आला आहे. आज देखील मुसळधार पाऊस होण्याचा हवामान खात्याने अंदाज वर्तवला आहे. म्हणून मुंबई वगळता ठाणे, नवी मुंबई, पुणे आणि सातारा या जिल्ह्यात शाळांना प्रशासनाकडून सुट्टी जाहीर करण्यात आली आहे.