Swine Flu VIDEO: Nashik जिल्ह्यात स्वाईन फ्ल्यूचं थैमान! ५८ वर्षांच्या व्यक्तीचा मृत्यू

नाशिक: जिल्ह्यात स्वाईन फ्ल्यूचं थैमान सुरु आहे. स्वाईन फ्ल्यूचा जिल्ह्यात दहावा बळी गेला आहे. निफाडमधील ५८ वर्षांच्या व्यक्तीचा स्वाईन फ्ल्यूमुळे मृत्यू झाल्याचं समोर आलं आहे. तर जिल्ह्यात स्वाईन फ्ल्यूचे आणखी ६ नवे रुग्ण आढळल्यानं आरोग्य यंत्रणा सतर्क झाली आहे. नाशिक शहरातील स्वाईन फ्ल्यू बाधितांची संख्या ३५ तर ग्रामीण भागात उपचार घेणाऱ्या रुग्णांची संख्या २५ वर पोहचली आहे. रुग्णसंख्या वाढत असल्याने नागरिकांनी सतर्क राहण्याच्या आणि लक्षणं आढळल्यास त्वरित वैद्यकीय अधिकाऱ्यांकडून उपचार घेण्याचं आवाहन आरोग्य विभागाकडून करण्यात आलं आहे.