Supriya Sule News: मतदान केल्यानंतर सुप्रिया सुळे अजित पवार यांच्या काटेवाडीतील घरी गेल्यानं चर्चांना उधाण! निमित्त कौंटुबिक भेटीचं..

पुणे : सुप्रिया सुळे यांनी काटेवाडीतील अजित पवार यांच्या निवासस्थानी भेट दिली. ही कौटुंबिक भेट होती, असं सांगितलं जातंय. अजित पवार यांच्या मातोश्रींची सुप्रिया सुळे यांनी भेट घेतली असल्याचं समोर आलंय. मतदान केल्यानंतर सुप्रिया सुळे यांनी अजित पवार यांच्या घरी भेट दिली. त्यानंतर राजकीय वर्तुळात चर्चांना उधाण आलं होतं. दरम्यान, ही राजकीय भेट नसून कौटुंबिक भेट असल्याचं स्पष्ट झालंय. तिसऱ्या टप्प्याचं मतदान पार पडलंय. त्यात बारामतीमधील लढतीसाठीही मतदान पार पडतंय. बारामतीत सुप्रिया सुळे विरुद्ध सुनेत्रा पवार अशी हायवोल्टेज लढत पार पडतेय. या लढतीत कोण बाजी मारणार? याकडे सगळ्यांचं लक्ष लागलंय. अशाच बारामती लोकसभा मतदार संघाच्या सर्वच राजकीय घडामोडींमुळेही चर्चांना उधाण आल्याचं पाहायला मिळालं.