VIDEO : अजितदादांच्या ताफ्याला काळे झेंडे, प्रदेशाध्यक्ष सुनील तटकरेंनी घेतली कठोर भूमिका

अजित पवारांच्या जनसन्मान यात्रेत भाजपच्या माजी जिल्हा परिषदेच्या अध्यक्ष आशा बुचके यांच्यासह भाजप कार्यकर्त्यांकडून काळे झेंडे दाखवल्याचा प्रकार समोर आला. त्यानंतर राष्ट्रवादी अजित पवार गटाकडून अनेक नेत्यांच्या प्रतिक्रिया समोर आल्या आहेत. प्रदेशाध्यक्ष सुनिल तटकरे यांनी सुद्धा याविषयी महायुतीतील घटक पक्षांना सवाल करत कठोर भुमिका घेतली आहे.

अनेक जिल्ह्यात भाजपचे पालकमंत्री आहेत. अगदी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे सुद्धा विविध जिल्ह्यात जाऊन शासकीय अधिकाऱ्यांसोबत बैठका घेतात. त्यावेळी महायुतीतील इतर घटक पक्ष त्यावर आक्षेप घेत नाहीत. मग पालकमंत्री म्हणून अजित पवार आम्हाला डावलतात. असा आक्षेप कशासाठी? भाजपच्या नेत्या आशा बुचकेंच्या या टीकेला उत्तर देण्याची मला तरी काही गरज वाटत नाही. मी भाजपचे प्रदेशाध्यक्ष चंद्रशेखर बावनकुळे यांच्याशी बोलणार असल्याचं तटकरेंनी स्पष्ट केलं. मुख्यमंत्री नावाचा उल्लेख केला जात नाही, असं म्हणणं चुकीचं आहे. महायुतीत कोणताही दुरावा निर्माण झालेला नाही. अस म्हणत तटकरेंनी आपली भुमिका स्पष्ट केली आहे.