VIDEO: टी20 वर्ल्डकपचा आकर्षक देखावा, विराट-रोहित,हार्दिकचा विजयी जल्लोष अन् बरेच काही!

सिंधुदुर्गातील कुडाळ वारंग तुळसुली येथील वसंत नाईक कुटुंबीयांनी यावर्षी आपल्या गणपती बाप्पाच्या समोर वर्ल्डकपचा देखावा साकारला आहे.

भारतीय संघाने रोहीत शर्माच्या नेतृत्वाखाली टी- 20 चा वर्ल्डकप जिंकल्याचा हा सुंदर देखावा नाईक कुटुंबीयांनी साकारला आहे. नाईक कुटुंबीयांच्या घरी दरवर्षी 11 दिवसांचा बाप्पा विराजमान असतो यावर्षी त्यांनी वर्ल्डकपचा आकर्षक देखावा साकारला आहे.

काय आहे कारण?

मकरंद नाईक यांनी हा देखावा साकारण्यामागचं कारणही सांगितलं, ते म्हणाले,'आम्ही दरवर्षी वेगवेगळ्या प्रकारचे देखावे साकारतो. यावर्षी भारतीय संघ ज्यावेळी टी-२० वर्ल्डकपच्या फायनलमध्ये गेला, त्यावेळी आमच्या मुलींनी गणपती बाप्पाकडे साकडं घातलं. जर भारत जिंकला, तर आम्ही येणाऱ्या गणेशोत्सवामध्ये वर्ल्डकपचा देखावा साकारु. आता भारत जिंकल्यानंतर आमच्या मुलींनी मिळून हा आकर्षक देखावा साकारला आहे.'