Sanjay Shirsat : 'त्या' व्हीडिओवर संजय शिरसाट स्पष्टच बोलले : Video

पुराची पाहणी करण्यासाठी आलेले भंडारा - गोंदियाचे खासदार डॉ. प्रशांत पडोळे यांच्या स्टंटबाजीचा व्हिडिओ सध्या चांगलाच व्हायरल होत आहे. तुमसर तालुक्यातील पूराची पाहणी करण्यासाठी खासदार डॉ. प्रशांत पडोळे यांनी गाडीच्या बोनेटवर बसून पूरपरिस्थितीची पाहणी केल्याचा हा व्हिडिओ आहे. त्यांच्या या स्टंटबाजीची सगळीकडे चर्चा होत आहे. जनता पूराने त्रस्त असताना खासदार स्टंट करण्यात व्यस्त असल्याच्या टीका त्यांच्यावर केल्या जात आहे. या घटनेवर आमदार संजय शिरसाट यांनी देखील प्रतिक्रिया दिली आहे. '' असली स्टंटबाजी आपल्याला परवडणार नाही.'' असं शिरसाट आपली प्रतिक्रिया देताना म्हणाले आहेत.

''पूरपरिस्थितीत जनतेला मदत करण्याचा आपला पहिला हेतू असला पाहिजे. खासदार पडोळे यांनी रील काढलं ही चुकीचच आहे. त्याबद्दल त्यांनी माफी देखील मागितली आहे. मात्र यापुढे अशी स्टंटबाजी करणं आपल्याला परवडणारं नाही ही लक्षात घेतलं पाहिजे.'' असंही संजय शिरसाट यांनी म्हंटलं आहे. मात्र अशी स्टंटबाजी करून शेतकऱ्यांची थट्टा खासदार करत आहेत का? असा सवाल या प्रकरणामुळे उपस्थित होत आहे.