Sanjay Raut : सिनेट निवडणूकीवर संजय राऊतांच मोठं विधान; विडियो

सिनेट निवडणूक दोन दिवसांवर आली होती आणि त्याची तयारीही झाली होती. शिवसेना, युवासेनेचे कार्यकर्ते सर्वच्या सर्व जागा जिंकणार ही बातमी येतात शिंदे सरकार घाबरले आणि निवडणूकच रद्द केली. नरेंद्र मोदी लोकशाहीवर मोठी-मोठी भाषणे करतात. यात निवडणूक आयोगाचा संबंध येत नसला तरी मुंबई विद्यापीठाचे कुलगुरू सरकारच्या बोळ्याने दूध पितायत का? असा सवाल राऊत यांनी केला. ते पुढे म्हणाले की, केंद्रातील कुबड्यांचे सरकार 'एक देश एक निवडणूक' या योजनेचे ढोल वाजवत आहे, पण सिनेटची निवडणूक, मुंबई महानगरपालिकेची निवडणूक घेण्याची हिंमत त्यांच्यामध्ये नाही.

जिथे पैशांची ताकद तिथेच सत्ताधारी निवडणुका लढवतात, असे म्हणत ठाकरे गटाचे खासदार संजय राऊत यांनी सरकारवर सडकून टीका केली आहे. मुंबई विद्यापीठाची दोन दिवसांवर आलेली सिनेट निवडणूक पुन्हा एकदा अनिश्चित कालावधीसाठी स्थगित करण्यात आल्याने राऊतांनी सरकारवर संताप व्यक्त केला आहे.