Prashant Koratkar : प्रशांत कोरटकरवर राष्ट्रद्रोहाचा गुन्हा दाखल करावा; कुणी केली मागणी?

प्रशांत कोरटकरच्या तेलंगणातून मुसक्या आवळल्या आहेत. कोरटकरला कोल्हापुरात आणलं जाणार आहे. प्रशांत कोरटकरला अटकेचा थरार तेलंगणामध्ये घडला. आता प्रशांत कोरटकरवर राष्ट्रदोहाचा गुन्हा दाखल करण्याची मागणी संभाजी ब्रिगेडने केली आहे.

प्रशांत कोरटकर, राहुल सोलापूरकर यांची छत्रपती शिवाजी महाराजांविषयी अत्यंत वाईट, वादग्रस्त भूमिका होती. त्याचं वक्तव्य हा खरा अर्बन नक्षलवाद आहे. समाजात राहून समाजातच सामाजिक विष पसरवणे हा खरा गुन्हा आहे. कोरटकरला ज्यांनी ज्यांनी पळून जायला मदत केली, ज्यांनी वाचवण्याचा प्रयत्न केला, त्या सगळ्यांना 'सह आरोपी' करावे, अशी मागणी संभाजी ब्रिगेडची राज्य सरकारकडे आहे. कोरटकरच्या नांग्या ठेचल्याच पाहिजे. असं महाराष्ट्रातील प्रत्येक शिवप्रेमींना वाटतं, म्हणून कोरटकरला सुट्टी देऊ नये. सरकारने किंवा त्यांच्या विचाराच्या लोकांनी कोरटकरला वाचवण्याचा किंवा मदत करण्याचा प्रयत्न करू नये. छत्रपती शिवाजी महाराज हे राष्ट्रपुरुष आहेत. म्हणून राष्ट्रपुरुषांची बदनामी करून पळून जाणे हा राष्ट्रद्रोह आहे. म्हणून त्याच्यावर राष्ट्रद्रोहाचा सुद्धा गुन्हा दाखल करावा, अशी मागणी संभाजी ब्रिगेडने केली.