Pune News: ‘सैराट’ ची पुनरावृत्ती; बहिणीच्या पतीवर कोयत्याने हल्ला|VIDEO

पुणे: सैराट चित्रपटात जसा पळून जाऊन प्रेमविवाह केलेल्या तरुणावर प्राणघातक हल्ला होतो, तशीच घटना मावळच्या सांगवी येथे घडली आहे. बहिणीशी पळून जाऊन लग्न केल्याचा राग मनात धरून तिघांनी एका युवकावर कोयता आणि लोखंडी रॉडने हल्ला करत त्याचा खून करण्याचा प्रयत्न केल्याने एकच खळबळ उडाली आहे. ही घटना 5 एप्रिल रोजी सांगवी गावच्या हद्दीत वडगाव मावळ सांगवी रस्त्यालगत असलेल्या अनुष्का हॉटेलजवळ घडली.

संकेत तोडकर असे जखमी झालेल्या तरुणाचे नाव असून शिवराज बंडू जाधव, यश अजय जाधव, आणि विशाल पाथरवट असे आरोपींचे नावे आहे. या प्रकरणातील दोन आरोपी यश जाधव आणि विशाल पाथरवट यांना वडगाव पोलिसांनी मोठ्या कसरतीने अटक केली आहे. वडगाव मावळ न्यायालयाने या दोघांना आठ दिवसाची पोलीस कस्टडी देण्यात आली आहे. तर शिवराज जाधव अद्यापही फरार आहे या प्रकरणाचा अधिकचा तपास मावळ पोलिस करत आहे.