VIDEO : वाराणसीतून का काढल्या जाताय साईबाबांच्या मूर्ती? साईबाबांच्या पूजेवरुन पुन्हा एकदा वाद

उत्तर प्रदेशातील वाराणसीतील मंदिरातून साईबाबांच्या मूर्ती हटण्यात येत आहे. त्यामुळे साईबाबांच्या पूजेवरुन पुन्हा एकदा वाद निर्माण झाला आहे. विशेष म्हणजे आतापर्यंत 14 मंदिरातून साई बाबांच्या मूर्ती हटविण्यात आल्या आहेत. प्रसिद्ध बडा गणेश मंदिरातून देखील साईबाबांची मूर्ती हटविण्यात आली आहे.

हिंदू संघटनांच्या मते साई बाबा हे मुस्लीम आहेत. त्यामुळे साईबाबांच्या मूर्तीवरुन हिंदू धर्मातील काही संघटनांनी विरोध केलेला आहे. येथील सनातन रक्षक सेना संघटनेचे अजय शर्मा यांच्या नेतृत्वाखाली ही मोहीम सुरू आहे. हिंदू संघटनांनी यापूर्वी देखील साईबाबांना विरोध केलेला आहे. त्यांचा सनातन हिंदू धर्माशी काही संबंध नाही. यासाठी या मूर्ती मंदिरातून हटविण्यात येत असल्या सर्वोच्च न्यायालयात साईबाबांना चांद बाबा म्हणून संबोधण्यात यावे असा निकाल झाल्याचे दीपक यादव यांनी म्हटले आहे. संघटनाचे म्हणणे आहे की आमचा साई पूजेला विरोध नाही. परंतू साईबाबांची मूर्ती लावणे योग्य नसल्याचे संघटनेचे म्हणणे आहे.