VIDEO: राजू पाटलांचं मतदान अद्याप बाकी, मतदानासाठी Raj Thackeray यांच्या फोनची प्रतिक्षा

विधानपरिषदेच्या निवडणुकीसाठी मतदान पार पडत आहे. यादरम्यान राजू पाटलांचं मतदान अद्याप बाकी असल्याची माहिती समोर येत आहे. मनसेचे एकमेव आमदार राजू पाटील हे मतदान करण्यासाठी राज ठाकरे यांच्या फोनची वाट पाहत आहेत. राज ठाकरे हे अमेरिकेत आहेत त्यामुळे राजू पाटील यांचा त्यांच्याशी संपर्क होत नाही आहे. त्यामुळे राजू पाटील यांनी अद्यापही मतदान केलेलं नाही. राजू पाटील हे मराज ठाकरे यांचा फोन आल्यानंतरच मतदान करणार असल्याची माहिती समोर येत आहे. मनसे आणि भाजपची युती असली तरी मनसे अध्यक्ष राज ठाकरे यांचा फोन आल्याशिवाय मतदान करणार नसल्याचं राजू पाटील यांनी सांगितलं आहे.