ठरलं! मुंबईत दोन्ही ठाकरे बंधू एकत्र येणार? महाविकास आघाडीचं काय होणार? VIDEO

राज्याच्या राजकारणात मोठा बदल घडवणारी बातमी समोर येत आहे. मनसे आणि शिवसेना ठाकरे गट यांच्यातील युतीबाबतची चर्चा अंतिम टप्प्यात पोहोचल्याची माहिती सूत्रांकडून मिळत आहे. येत्या दोन ते तीन दिवसांत ठाकरे बंधूंच्या या युतीची अधिकृत घोषणा होण्याची दाट शक्यता वर्तवली जात आहे. या संभाव्य युतीमुळे आगामी महापालिका निवडणुकांमध्ये राजकीय समीकरणे बदलण्याची चिन्हे आहेत.

महत्त्वाचं म्हणजे उद्धव ठाकरे हे राष्ट्रवादी काँग्रेस शरद पवार गट आणि काँग्रेसला सोडून थेट आपले भाऊ राज ठाकरे यांच्यासोबत निवडणुकीच्या रिंगणात उतरण्याची शक्यता आहे. राजकीय सूत्रांच्या माहितीनुसार, दोन्ही पक्षांमध्ये जागावाटप, प्रचाराची दिशा आणि निवडणूक रणनीती यावर एकमत झाले असून मराठी महापौर बसवण्याच्या मुद्द्यावर ठाकरे बंधू आग्रही असल्याचं समजतं. या युतीची अधिकृत घोषणा झाल्यास मुंबईसह राज्यातील अनेक महापालिकांच्या राजकारणात मोठा उलथापालथ होण्याची शक्यता नाकारता येत नाही. आता सर्वांचे लक्ष ठाकरे बंधूंच्या निर्णयाकडे लागले आहे.