बैल पिसाळला, वाहनं अन् नागरिकांना तुडवलं; एकाचा जागीच मृत्यू, थरार कॅमेऱ्यात कैद

कर्जत शहरातून धक्कादायक बातमी समोर येत आहे. श्रीराम पुलाजवळ एका पिसाळलेल्या बैलाने हल्ला करून एका व्यक्तीचा जीव घेतला आहे. तर, दुसऱ्या व्यक्तीस गंभीर जखमी केलं आहे. याशिवाय बैलाच्या धडकेत अनेक वाहनांचे नुकसान झाले आहे. स्थानिकांनी सांगितले की, पिसाळलेल्या बैलामुळे परिसरात भीतीचे वातावरण निर्माण झाले आहे. नागरिक प्रशासनाकडे या बैलाला ताब्यात घेण्याची मागणी करत आहेत. प्रशासनाकडूनही घटनास्थळी तातडीने लक्ष देण्यात आले असून, बैलावर नियंत्रण मिळवण्यासाठी उपाययोजन सुरू आहेत.