Pune: वसंतदादा शुगर इन्स्टिट्यूटच्या चौकशीसाठी समिती गठीत, शरद पवारांच्या संस्थेचं होणार ऑडिट

शरद पवार अध्यक्ष असणाऱ्या वसंतदादा शुगर इन्स्टिट्यूटच्या चौकशीसाठी चौकशी समिती गठीत करण्यात आली आहे. साखर आयुक्त डॉ. संजय कोलते यांच्या अध्यक्षतेखाली समिती गठीत करण्यात आली असल्याची माहिती समोर आली आहे. ५ सदस्य चौकशी समिती वसंतदादा शुगर इन्स्टिट्यूटला मिळणाऱ्या अनुदानाच्या विनियोगाची चौकशी करणार आहेत. साखर आयुक्त संजय कोलते यांच्याकडून चौकशी समितीचे आदेश जारी करण्यात आले आहेत. ही समिती ६० दिवसांच्या आत राज्य सरकारला आपला अहवाल सादर करणार आहे. मुख्यमंत्री यांच्या अध्यक्षतेखाली असणाऱ्या मंत्री समितीने वसंतदादा शुगर इन्स्टिट्यूटच्या चौकशीचा निर्णय घेतला होता. मंत्री राधाकृष्ण विखे पाटील यांनी वसंतदादा शुगर इन्स्टिट्यूटच्या चौकशीची मागणी केली होती.