VIDEO: पालकांनो सावधान! पुण्यातील ५० शाळा अनधिकृत, विद्यार्थ्यांचे भवितव्य धोक्यात

पुण्यातून मोठी बातमी समोर आली आहे. पुण्यातील ५० शाळा अनधिकृत आहेत. त्यामुळे विद्यार्थ्यांचे भवितव्य धोक्यात आले आहेत. पुणे शहरातील १४, जिल्ह्याच्या ग्रामीण भागातील २५ आणि पिंपरी चिंचवडमधील ११ शाळांचा यामध्ये समावेश आहे. शहर आणि जिल्ह्यातील अनधिकृत शाळांचा शोध घेण्यासाठी प्रशासनाने मोहिम राबवली आहे. या अनधिकृत शाळांमुळे यापुढे पालकांनी आपल्या मुलांसाठी शाळा निवडताना काळजी घ्यावी असे आवाहन केले जात आहे. पुण्यातील ५० अनधिकृत शाळांची यादी जाहीर करण्यात आली आहे. शाळेमध्ये विद्यार्थ्यांसाठी प्रवेश घेताना पालकांनी सावधानता बाळगावी असे आवाहन केले जात आहे. अशा अनधिकृत शाळांमध्ये मुलांना पाठवून नका, असे देखील आवाहन पुणे जिल्हा परिषदेच्या माध्यमातून करण्यात आले आहे.