Pune : पुण्यातील नवले पुलाजवळ पुन्हा अपघात, ब्लॅक स्पॉटवर स्कूल बस आणि कारची धडक

Pune Navle Bridge Accident News Update : पुण्यातील नवले पुलाजवळ अपघातांचं सत्र सुरूच आहे. नवले पुलाजवळच्या ब्लॅक स्पॉटवर आज एकदा पुन्हा अपघात झाला आहे. नवले पूलाजवळच्या ब्लॅक स्पॉटवर स्कूल बस आणि कारची धडक झाली. या अपघातात दोन जण जखमी झाले. विशेष म्हणजे नवले पुलावरील अपघात रोखण्यासाठी वेगमर्यादा ठरवण्यात आली आहे. पण अपघाताचं सत्र काही थांबत नाही. Pune Navle Bridge school bus and car collision latest update

स्कूल बस आणि कारच्या धडकेनंतर नवले ब्रिजवर काही काळासाठी मोठ्या प्रमाणात वाहतूक कोंडी झाली. अपघाताची माहिती मिळताच वाहतूक पोलिसांनी घटनास्थळावर धाव घेतली. तात्काळ अपघातग्रस्त वाहने बाजूला करून वाहतूक सुरळीत करण्यात आली. नवले पूलावरील अपघात रोखण्यासाठी सरकारकडून प्रयत्न केले जात आहेत, पण अपघाताचे सत्र काही थांबायचे नाव घेत नाहीत. स्कूल बस आणि कारच्या धडकेत दोन जण जखमी झाले आहेत.