Pune : पुणेकरांसाठी खूशखबर! ४ धरणांमध्ये ४५ टक्के साठा| VIDEO

पुणे शहराला पाणिपुरवठा करणाऱ्या खडकवासला धरण साखळीतील चारही धरणांमध्ये यंदा समाधानकारक पावसामुळे एकूण १३.१६ टीएमसी म्हणजे ४५.१३ टक्के पाणीसाठा जमा झाला आहे. गतवर्षी याच दिवशी पाणीसाठा फक्त ३.५७ टीएमसी म्हणजे १२.२४ टक्के इतका पाणीसाठा शिल्लक होता. त्यामुळे यंदा धरणांमध्ये तिप्पट अधिक पाणीसाठा उपलब्ध आहे. पुणेकरांसाठी ही बाब नक्कीच दिलासादायक ठरणार आहे.धरण क्षेत्रात पावसाला सुरुवात झाल्यानंतर सुरुवातीच्या टप्प्यात समाधानकारक पावसाची नोंद झाली आहे. त्यामुळे सर्वच धरणांमध्ये पाणीसाठ्यात चांगली वाढ होताना दिसत आहे.

धरणनिहाय सध्याचा पाणीसाठा पुढीलप्रमाणे –

खडकवासला – १.२३ टीएमसी

पानशेत – ४.४१ टीएमसी

वरसगाव – ६.४० टीएमसी

टेमघर – १.११ टीएमसी

पावसाचा जोर असाच कायम राहिला तर आगामी काळात पाणीसाठा आणखी वाढण्याची शक्यता असून, प्रशासनानेही जलसाठ्यावर लक्ष ठेवले आहे.