Pune Crime : एकमेकांकडे बघण्यावरुन वाद? पुण्यात कोयत्याने वार करत तरुणाची हत्या

मतदान होताच पुण्यात पुन्हा गुन्हेगारी वाढली असल्याचं पाहायला मिळतंय. पुण्यात कोयत्याने वार करुन तरुणाचा टोळक्याकडून खून करण्यात आल्याची खळबळजनक घटना समोर आलीय. सहा जणांनी कोयता आणि लाकडी दांडक्याने मारहाण करुन एका तरुणाची हत्या केली. डहाणूकर कॉलनीत हा धक्कादायक प्रकार घडला. श्रीनीवास वत्सलावर असे खून झालेल्या तरुणाचे नाव आहे. एकमेकांकडे बघण्यावरुन आणि पूर्व वैमनस्यातून खून केल्याची घटना घडल्याचा संशय व्यक्त केला जातोय. सध्या पोलिसांकडून आरोपींचा शोध सुरु आहे. पुणे पोलिसांच्या चार टीम या हत्याप्रकरणी कसून तपास करत आहेत.