Baramati News Today: महावितरणच्या महिला तंत्रज्ञावर कोयत्याने वार करत हल्ला! हल्ल्याचं कारण काय?

पुणे : बारामती मधून एक धक्कादायक घटना समोर आली आहे. बारामती मधील महावितरणच्या महिला तंत्रज्ञावर हल्ला करण्यात आलाय. हल्लेखोराने कोयत्याने महिलेवर हल्ला केल्याची माहिती समोर आली. या हल्ल्यात महिला गंभीर जखमी झाली असून तिची प्रकृती चिंताजनक असल्याची माहिती समोर आली आहे. बारामती तालुक्यातील मोरगाव येथे ही घटना घडली आहे. तक्रार दाखल करून घेत नसल्याने महावितरणच्या महिला तंत्रज्ञान वरती हल्ला करण्यात आल्याचा सांगितलं जात आहे. दरम्यान, हा हल्ला कोणी केला हे अद्याप कळू शकलेलं नाही. या घटनेप्रकरणी पुढील तपास केला जातोय. दरम्यान सध्या या महिलेवर उपचार सुरू आहेत.