भीषण अपघात! वाहनावर क्रेन कोसळली अन्...; पिंपरी चिंचवडमधील व्हिडिओ व्हायरल

पुणे: पिंपरी चिंचवडमधील जाधववाडी परिसरात आज एक धक्कादायक अपघात घडला. माल वाहतूक करणारी एक मोठी क्रेन रस्त्यावरून जात असलेल्या चारचाकी वाहनावर अचानक कोसळली. ही घटना क्रेनचा फ्रेंच तोल बिघडल्यानं घडल्याची प्राथमिक माहिती आहे.

अपघात इतका भीषण होता की चारचाकी वाहनाचा मोठा भाग चुरडून गेला. सुदैवाने या अपघातात कोणतीही जीवितहानी झाली नाही. मात्र, गाडीत असलेले दोघे प्रवासी गंभीर जखमी झाले आहेत.

अपघाताची माहिती मिळताच चिखली पोलीस तातडीने घटनास्थळी दाखल झाले. जखमींना तात्काळ जवळच्या खासगी रुग्णालयात उपचारासाठी दाखल करण्यात आलं आहे. सध्या त्यांच्या प्रकृतीवर उपचार सुरू असून पुढील तपास पोलीस करत आहेत.

या घटनेमुळे स्थानिक नागरिकांमध्ये भीतीचं वातावरण निर्माण झालं असून रस्त्यावरील सुरक्षेच्या दृष्टीने प्रशासनाच्या भूमिकेवर प्रश्नचिन्ह निर्माण झालं आहे.