Pune News : पुणे ATS करणार दहशतवादी रिझवान अलीची चौकशी

पुणे

दिल्ली पोलिसांच्या स्पेशल सेलनं काही दिवसांपूर्वी अटक केलेला दहशतवादी रिझवान अली याची आता पुणे दहशतवादविरोधी पथक (Pune ATS) चौकशी करणार आहे. इसिसच्या पुणे मोड्युलशी संबंधित असलेल्या रिझवानच्या दिल्लीत मुसक्या आवळल्या होत्या. रिझवान हा मोस्ट वॉन्टेड दहशतवादी आहे.

रिझवान आणि शाहनवाज आलम हे दोघेही कुटुंबीयांसोबत पुण्यात वास्तव्याला होते. रिझवान अली याची पत्नी गरोदर असल्यामुळं तो तिला उपचारासाठी दिल्लीत घेऊन गेला होता. पोलिसांच्या तावडीतून तो निसटला होता. अखेर दिल्ली पोलिसांच्या स्पेशल सेलने त्याला ताब्यात घेतले. आता या दोघांच्याही पत्नींचा शोध पुण्याच्या दहशतवादविरोधी पथकाकडून सुरू आहे.