VIDEO : पुण्याच्या हिंजवडीत खड्डे आणि वाहतूक कोंडी, आय टी अभियंते अक्षरशः मेटाकुटीला

पुण्याच्या हिंजवडी आयटी पार्क परिसरात होणाऱ्या नेहमीच्या वाहतूक कोंडी आणि रस्त्यावरील खड्डयांमुळे हिंजवडीतील हे आय टी अभियंते अक्षरशः मेटाकुटीला आले आहेत. वाहतूक कोंडी आणि रस्त्यावरील खड्ड्यांमुळे हिंजवडीतील कंपन्या परराज्यात स्थलांतरित होत आहेत. तर जे आयटी अभियंते सध्या हिंजवडी आयटी पार्क परिसरात काम करतात, ते वेळेत त्यांच्या ऑफिसमध्ये पोहोचू शकत नसल्यामुळे, त्यांच्यावर लॉकडाऊन नसताना देखील work from home करण्याची वेळ ओढवली आहे.

वारंवार सांगूनही संबधित यंत्रणा हिंजवडी परिसरातील वाहतूक कोंडीकडे लक्ष देत नसल्याने यापुढील आंदोलन आधिक तीव्र करण्याचा इशारा देखील या अभियंत्यांनी यावेळी दिला आहे. याचाच आढावा घेतला आहे आमचे पिंपरी चिंचवड शहराचे प्रतिनिधी गोपाल मोटघरे यांनी......!