Laxman Hake : जरांगेंच्या भूमिकेचं बारामती कनेक्शन? लक्ष्मण हाकेंचं मोठं विधान, पाहा Video

मनोज जरांगे पाटील हे केवळ बारामतीच्या स्क्रिप्टनुसार वागतात. ते निवडणूक लढणार नाही, हे मी सुरुवातीपासून सांगत आहे, अशी टीका ओबीसी आंदोलक प्रा. लक्ष्मण हाके यांनी केली आहे. आज मनोज जरांगे पाटील यांनी विधानसभा निवडणुकीच्या मैदानातून माघार घेतल्या नंतर हाके यांनी याबद्दल प्रतिक्रिया देत जरांगे यांच्यावर जोरदार टीका केली.

पुढे बोलताना हाके म्हणाले की, 'मनोज जरांगे पाटील हे प्रत्येक दिवसाला भूमिका बदलणारा व्यक्ती आहे. मुंबईच्या वेशीवरून देखील ते माघारी फिरले होते. त्यांचा राजकारण आणि निवडणुकीबद्दल अजिबात अभ्यास नाही. जरांगे पाटील हे या आधी 130 उमेदवारांना पाडायची भाषा करत होते, त्याचे काय झाले? निवडणुकीच्या रिंगणातून त्यांनी पळ काढला आहे. ते केवळ बारामतीच्या सांगण्यावरुनच भूमिका घेतात', असा आरोप देखील हाके यांनी केला आहे. रणांगणात लढायला वाघाचे काळीज लागते. गनिमी कावा करण्याचा काळ आता गेला, असा टोलाही देखील त्यांनी जरांगे पाटील यांनी लगावला आहे.

Edited By Rakhi Rajput