NEET Paper Leak News : नीट पेपरफुटी प्रकरणी संशयित शिक्षक काय म्हणाले?

नीट परीक्षेच्या पेपर फुटीप्रकरणी पोलिसांनी दोन शिक्षकांना ताब्यात घेतले होते. या दोन्ही शिक्षकांची पोलिसांनी कसून चौकशी केली आणि त्यांना सोडून दिले आहे. या प्रकरणी ताब्यात घेतलेल्या एका शिक्षकाने माध्यमांशी संवाद साधला आहे. जलील पठाण यांना पोलिसांनी ताब्यात घेतले होते. पठाण म्हणाले की माझा मोबाईल तपासून माझी सखोल चौकशी केली आणि त्यानंतर मला सोडून देण्यात आले. दोन्ही शिक्षक हे जिल्हा परिषदेच्या शाळेत शिकवतात. नीट पेपर फुटी प्रकरणात लातूर जिल्ह्यातील दोन  जिल्हा  परिषद शिक्षक यांना संशयित म्हणून, नांदेड येथील एटीएस पथकाडून ताब्यात घेण्यात आले होते. मात्र  एटीएसने त्या दोघांचीही चौकशी करून सोडले आहे..