Bapusaheb Pathare News : वडगावशेरीत बापूसाहेब पठारेंनी राखला शरद पवारांचा गड; विजयानंतर दिली पहिली प्रतिक्रिया | VIDEO

पुण्यासह राज्यात महाविकास आघाडीच्या उमेदवारांचा अनेक ठिकाणी पराभव झाला. मात्र पुण्यात वडगावशेरी मतदारसंघात राष्ट्रवादी कॉंग्रेस पार्टी शरदचंद्र पवार गटाचे उमेदवार बापूसाहेब पठारे यांनी विजय मिळवला आहे. त्यांनी वडगावशेरीची जागा राखल्याने त्यांच्या अभिनंदनासाठी कार्यकर्त्यांची गर्दी बघायला मिळत आहे.

यावेळी पठारे यांनी साम सोबत संवाद साधताना म्हंटलं की, आपण विकासाच्या मुद्द्यावर निवडणूक लढवली. विरोधक काय म्हणत आहेत याला महत्व नाही. कल्याणीनगर कार अपघात प्रकरण मला माहिती नाही. अगोदरच्या लोकप्रतिनिधी आमदार सुनील टिंगरे याच्यावर बोलण टाळल. आज आमदार झाल्यानंतर पहिला दिवस असल्याने शुभेच्छा देण्यासाठी वडगावशेरी मतदारसंघात असणाऱ्या घरी रांगा लागल्या आहेत. निवडणुक जिंकण्यासाठी 3 वर्षापासून प्रयत्न सुरू केले होते. स्थानिक आमदार कुठे दिसत नव्हते त्याच्याविषयी नाराजी होती. कार अपघात फक्त निमित्त ठरलं. त्यामुळे आता वडगाव शेरी मध्ये विकासावर काम करू असं मत बापूसाहेब पठारे यांनी व्यक्त केले आहे.

Edited By Rakhi Rajput