Ajit Pawar : हर्षवर्धन पाटलांवर अजित पवारांची पहिली प्रतिक्रिया; पाहा Video

दत्ता भरणे नेतृत्वाखाली झालेला इंदापूरचा विकास दाखवत हर्षवर्धन पाटलांनी त्याच्या आधी वीस वर्षाच्या केलेलं काम याबाबत टीका करत अजित पवार यांनी हर्षवर्धन पाटील यांच्या पक्ष सोडण्याबाबत प्रतिक्रिया दिली. एवढी वर्ष सत्तेत होतात तर इंदापूरचा विकास का केला नाही असा सवाल देखील यावेळी अजित पवार यांनी उपस्थित केला आहे.

आज दत्ता भरणे यांनी अजित पवार यांच्या उपस्थितीत इंदापूरमध्ये आपला उमेदवारी अर्ज दाखल केला. यावेळी आयोजित सभेत अजित पवार बोलत होते.

यावेळी पवार यांनी पुढे बोलताना, 'यांनी लोकसभेला सुप्रिया सुळे यांचा अदृश्य प्रचार केला, तर यांच्यावर कसा विश्वास ठेवायचा' असा टोलाही हर्षवर्धन पाटील यांना लगावला आहे. त्याचबरोबर विधान परिषद आमदारच्या ५ जागा भरायच्या बाकी होत्या. त्यात हर्षवर्धन पाटील यांना जागा दिली जाणार होती. मात्र त्यांना थांबेची टायरीच नव्हती असंही अजित पवार यांनी म्हंटलं आहे.

Edited By Rakhi Rajput