Navi Mumbai Rain News: पावसामुळे नवी मुंबईतील रस्ते जलमय

कोल्हापूरनंतर नवी मुंबईत देखील जोरदार पावसाने हजेरी लावली आहे. नवी मुंबईतील काही सखल भागांमध्ये पाणी साचलं आहे. वाशीतील छत्रपती शिवाजी महाराज चौकात पाणी साचलं आहे. त्यामुळे वाहनांसह नागरिकांना पाण्यातून वाट काढताना मोठी कसरत करावी लागत आहे. आज सकाळपासूनच नवी मुंबईमध्ये जोरदार पाऊस बरसत आहे आणि यायाच परिणाम संपूर्ण रस्त्यावर झालेला पाहायला मिळतोय. यावेळी नवी मुंबईतील नेरुळ सेक्टर 3 मध्ये एक झाड कोसळलं. झाड रस्त्यावर पार्क केलेल्या चारचाकी वाहनावर कोसळले. या घटनेनंतर नवी मुंबई मनपाची वृक्ष छाटणीची टीम घटनास्थळी दाखल झाले. सुदैवानं गाडीत आणि रस्त्यावर कुणीही नसल्याने मोठी जीवितहानी टळली.