नागपुरात पुन्हा बिबट्याची दहशत; थेट घरातच शिरला|VIDEO

नागपूर शहरात पुन्हा एकदा बिबट्या दिसल्याच्या चर्चेला उधाण आलं आहे. कापसी-महालगाव परिसरात बिबट फिरत असल्याची माहिती स्थानिकांनी सांगितली. या पार्श्वभूमीवर वनविभागाने तात्काळ गस्त वाढवून शोध मोहीम सुरू केली आहे.

शहरातील पारडी भागातील पॉवर स्टेशन परिसरातही बिबट्या फिरत असल्याची शक्यता वर्तवली जात असून, खबरदारी म्हणून त्या भागात अतिरिक्त पथके तैनात करण्यात आली आहेत. मात्र सर्वत्र सुरू असलेल्या शोध मोहीमेनंतर देखील आतापर्यंत बिबट्याचे कोणतेही ठोस पुरावे वनविभागाला मिळाले नसल्याची माहिती विभागाने दिली आहे.