VIDEO : ऐन निवडणुकीत कायदा सुव्यवस्थेचा प्रश्न ऐरणीवर? मुंबईतील १६१ पोलीस निरीक्षकांच्या तडकाफडकी बदल्या !

मुंबईतील १६१ पोलीस निरीक्षकांची तडकाफडकी बदली करण्यात आली आहे. मुंबईसह नवी मुंबई, मीराभाईंदर, वसई - विरार येथील एकूण २२१ पोलीस निरीक्षकांच्या बदल्या झाल्या आहेत. दरम्यान, या अचानक केलेल्या बदल्यांमुळे पोलीस निरीक्षकांत नाराजी बघायला मिळत आहे.

विधानसभा निवडणुकीच्या अनुषंगाने मुंबईतील १६१ पोलीस निरीक्षकांच्या तडकाफडकी बदल्या करण्यात आल्या आहेत. मुंबईसह नवी मुंबई, मीराभाईंदर, वसई - विरार येथील बदली केलेल्या पोलीस निरीक्षकांचा हा आकडा २२१ चा आहे. अनेक संवेदनशील भागात असलेल्या पोलिसांच्या देखील अचानक बदल्या करण्यात आल्या आहेत. सध्या निवडणुकीचा हंगाम सुरू असल्याने या बदल्या केल्यामुळे नवीन पोलीस निरीक्षक यांना प्रक्रिया समजून घेण्यासच निवडणुकीचा काळ देखील संपून जाईल. त्यामुळे ऐन निवडणुकीच्या काळात कायदा व सुव्यवस्थेचा प्रश्न निर्माण होणार आहे. सलग आठ वर्षापेक्षा अधिक काळ मुंबईत सेवा केलेल्या पोलीस निरीक्षकांच्या निवडणूक आयोगाच्या निर्देशानुसार बदल्या झाल्या असल्याचं बोललं जात आहे. मात्र या बदल्यांमुळे पोलीस निरीक्षकांत नाराजी असल्याने याबाबत दाद मागण्यासाठी पोलीस मॅटमध्ये जाणार असल्याचं सूत्रांकडून सांगण्यात आलं आहे.

Edited By Rakhi Rajput