Mumbai Rain : मुंबईसह उपनगरात मुसळधार पाऊस, रस्ते, रेल्वे वाहतुक सुरळीत | VIDEO

मुंबईसह उपनगरांमध्ये आज सकाळपासून जोरदार पावसाची संततधार सुरू आहे. काल रात्रीपासूनच मुंबईत पावसाने जोर पकडला असून,अनेक भागांमध्ये मुसळधार सरी सुरू आहेत. मात्र, अद्याप रस्ते आणि रेल्वे वाहतूक सुरळीत असून कोणताही परिणाम झालेला नाही. हवामान विभागाने मुंबईसाठी आज ऑरेंज अलर्ट जारी केला आहे. त्यामुळे पुढील काही तासांत जोरदार पावसाचा इशारा देण्यात आला आहे.परिस्थिती लक्षात घेता जिल्हा प्रशासनानं मुंबईकरांना सतर्क राहण्याचं आणि गरज असल्यासच घराबाहेर पडण्याचं आवाहन केलं आहे.दरम्यान, सखल भागात पाणी साचण्याची शक्यता असल्यामुळे नागरिकांनी खबरदारी बाळगावी, असं आवाहनही प्रशासनाकडून करण्यात आलं आहे.