Sanjay Nirupam News Today: संजय निरुपम शिंदेंसोबत जाणार? लोकसभेसाठी नवी राजकीय खेळी?

मुंबई : संजय निरुपम एकनाथ शिंदे यांच्यासोबत जाण्याची शक्यता वर्तवली जाते आहे. काँग्रेसमधून हकालपट्टी झाल्यानंतर संजय निरुपम यांची पुढची राजकीय वाटचाल कशी असणार? यावरुन अनेक तर्क वितर्क लढवले जात आहेत. दोन दिवसांपूर्वीच निरुपम यांची काँग्रेसमधून हकालपट्टी करण्यात आली होती. त्यानंतर आता संजय निरुपम यांच्या संदर्भातली महत्त्वाची अपडेट समोर आली आहे. उत्तर पश्चिम मुंबईतून लोकसभा निवडणूक लढवण्यासाठी संजय निरुपम इच्छुक आहेत. आता शिंदेसोबत गेल्यानंतर शिवसेनेच्या वतीने निरुपम यांना उमेदवारी मिळणार का? यावरुन चर्चांना उधाण आलं आहे. निरुपम यांच्यासोबत शरद पोंक्षें आणि अभिनेते सचिन पिळगावकर यांच्याही नावाच्या चर्चा उत्तर पश्चिम मुंबई लोकसभा मतदार संघात सुरु असल्याचं बोललं जातंय. आता निरुपम यांच्याबाबत नेमका काय निर्णय होते, हे पाहणं महत्त्वाचं ठरणार आहे.