VIDEO: मुंबईकरांसाठी पुढचे ४ तास महत्वाचे, अतिमुसळधार पावसाची शक्यता; सतर्क राहण्याचे आवाहन

मुंबईसह उपनगरामध्ये सकळपासून मुसळधार पाऊस पडत आहे. हवामान खात्याने मुंबईला आज पावसाचा ऑरेंज अलर्ट दिला आहे. त्यामुळे येत्या ४ तासांत मुंबईमध्ये मुसळधार ते अतिमुसळधार पाऊस पडण्याची शक्यता आहे. मुंबईकरांना पावसामुळे फटक बसण्याची शक्यता वर्तवण्यात आली आहे. त्याचप्रमाणे किनारपट्टीजवळ असलेल्या परिसरामध्ये देखील अलर्ट देण्यात आला आहे. ठाणे, पुणे, पालघर जिल्ह्यामध्ये देखील हा अलर्ट जारी करण्यात आला आहे. आज दुपारी १२.२० ला मोठी भरती येणार आहे. ४.३५ मीटर्सच्या लाटा समुद्रामध्ये उसळतील. त्यामुळे प्रशासन सतर्क झाले आहे. मुंबईकरांना समुद्रकिनारी जाणं टाळावं, असे आवाहन केले जात आहे. त्याचसोबत मुंबईकरांनो घराबाहेर पडताना काळजी घ्यावी आणि सतर्क राहावे, असे आवाहन प्रशासाकडून केले जात आहे.