Mumbai - Goa Highway : रायगडमध्ये पावसाचं थैमान; मुंबई-गोवा महामार्गावर वाहतूक कोंडी | VIDEO

रायगड जिल्ह्यात सुरू असलेल्या मुसळधार पावसामुळे मुंबई-गोवा महामार्गावरील वाहतूक पूर्णपणे विस्कळीत झाली आहे. महामार्गावर ठिकठिकाणी पाणी साचल्याने आणि चिखल साचल्यामुळे अनेक वाहने अडकली असून, वाहनचालकांना मोठ्या अडचणींचा सामना करावा लागत आहे.घाटमाथ्यांवर आणि अरुंद रस्त्यांवरून वाहने संथ गतीने पुढे सरकत असून, काही ठिकाणी वाहने तासन्तास रांगेत अडकून पडली आहेत.

पावसामुळे रस्त्यांची अवस्था खडतर झाली आहे, त्यामुळे वाहनचालकांच्या त्रासात अधिकच वाढ झाली आहे. स्थानिक प्रशासन आणि वाहतूक विभागाकडून रस्ता मोकळा करण्याचे प्रयत्न सुरू आहेत, मात्र सततच्या पावसामुळे मदत कार्यात अडथळे निर्माण होत आहेत. प्रशासनाकडून नागरिकांना अत्यावश्यक नसल्यास प्रवास टाळण्याचे आवाहन करण्यात आले आहे.