Mumbai News Today: खेळण्याच्या नादात गाडीतच गुदमरले! 2 मुलांच्या मृत्यूने मुंबईचा ऍन्टॉप हिल परिसर हादरला

मुंबई : अँटॉप हिल परिसरात कारमध्ये अडकून दोघा चिमुरड्यांचा दुर्दैवी मृत्यू झाल्याची घटना समोर आली आहे. खेळता खेळता गाडीत अडकून गुदमरून मृत्यू झाल्याचा संशय पोलिसांनी व्यक्त केला आहे. साजिद मोहम्मद शेख, ७ आणि रीना, ५ या अशी मृत्यू झालेल्या दोघा चिमुरड्यांची नावं आहेत. दोघा सख्ख्या बहीण भावांच्या मृत्यूने मुंबईचा अँटॉप हिल परिसर हादरुन गेलाय. दुपारपासूनच हे दोघे बेपत्ता होता. पोलिसांनी या दोघांचा शोध सुरु केला होता. तेव्हा घरापासून ५० मीटर अंतरावर असलेल्या कारमध्ये दोघांचा मृतदेह आढळून आलाय. अँटॉप हिल पोलीस ठाण्यात या घटनेची नोंद करण्यात आली.