MP Sanjay Raut PC News : कोल्हापूरच्या जागेवरून मविआमध्ये वाद? राऊतांनी व्यक्त केली खंत, म्हणाले.. | VIDEO

कोल्हापूर उत्तर विधानसभा मतदारसंघातून ठाकरे गटाकडून पाठिंबा मिळवण्यासाठी राजेश लाटकर हे आज उद्धव ठाकरे यांची भेट घेणार आहेत. राजेश लाटकर हे अपक्ष निवडणुकीच्या मैदानात आहेत. कॉंग्रेस नेते सतेज पाटील आमच्या सोबत असल्याचं देखील राजेश लाटकर यांनी म्हंटलं आहे.

दरम्यान, ही जागा शिवसेनेने सात वेळा जिंकली आहे, मात्र कॉंग्रेसने ही जागा आम्हाला सोडली नाही, हे दुर्दैव असल्याचं खासदार संजय राऊत यांनी म्हंटलं आहे. मंगळवारी पत्रकारांशी संवाद साधताना त्यांनी ही खंत व्यक्त केली. 'उद्धव ठाकरे मुख्यमंत्री असताना पोटनिवडणुकीत ही जागा दिली होती. त्यानंतर निवडणुकीची जागा आम्हाला द्या असं आम्ही सांगितलं होतं. मात्र काँग्रेसने जागा आम्हाला दिली नाही, हे दुर्दैव आहे. मी स्वतः कोल्हापूर उत्तरच्या जागेसाठी आग्रही होतो. आज त्या जागेत गोंधळ निर्माण झाले आहे. आम्ही महाराष्ट्राचे खंदे समर्थक आहोत. महाविकास आघाडीला तडा जाईल असे आम्ही काहीच करणार नाही, आम्ही महाविकास आघाडीशी कायम प्रामाणिक आहोत', असं देखील यावेळी बोलताना राऊत यांनी म्हंटलं आहे.

Edited By Rakhi Rajput