Sanjay Raut : 'कॅबिनेट बोलावून सिंघम ठरवा'; राऊतांचा खोचक टोला !

Maharashtra Politics : महायुतीमध्ये श्रेयवादाची चढाओढ सुरू आहे, असं म्हणत संजय राऊत यांनी एकनाथ शिंदे आणि देवेंद्र फडणवीस यांच्यावर टीका केली आहे.

'सध्या महाराष्ट्रात दोन सिंघम असून त्यांच्यात श्रेयवादाची लढाई सुरू आहे,' अशी खोचक टीका खासदार संजय राऊत यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यावर केली आहे.

''राज्यात शिंदे आणि फडणवीस यांच्यात श्रेयवादाची चढाओढ सुरू आहे. राज्यात सध्या दोन सिंघम आहेत. एक एकनाथ शिंदे आणि दुसरे देवेंद्र फडणवीस. आता या दोन्ही नेत्यानी कोण असली सिंघम आहे हे कॅबिनेटची बैठक घेऊन ठरवावं,''असंही राऊत यांनी म्हंटलं आहे. ''या देशात कायदा आणि संविधान आहे. तो सिंघमने लिहिलेला नाही. त्यामुळे ही श्रेयवादाची चढाओढ थांबवण्यासाठी या दोन्ही सिंघमने आपल्यातून खरं कोण हे एकदा ठरवाव. त्यासाठी कॅबिनेट बोलावून आपल्या सरकार मध्ये नेमकं सिंघम कोण याचा त्यांनी निर्णय घ्यावा.'' असा टोलाही संजय राऊत यांनी लगावला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com