Sunil Prabhu News : कल्याण घटनेचे पडसाद विधानसभेत; सुनील प्रभूंनी उपस्थित केले प्रश्न|Marathi News

मराठी माणसाला मारहाण कशी झाली? असा प्रश्न ठाकरे गटाचे आमदार सुनील प्रभू यांनी विधानसभेत उपस्थित केला आहे. या माणसाला लाल दिव्याची गाडी कशी मिळाली? असंही सवाल प्रभू यांनी केला आहे. त्यावर उत्तर देत संबंधित माणूस कितीही मोठा असला तरी त्याच्यावर कारवाई करू, असं उपमुख्यमंत्री अजित पवार यांनी म्हटलं आहे.

कल्याण येथे काल एका मराठी कुटुंबाला त्यांच्याच सोसायटीत परप्रांतीयाकडून मारहाण झाल्याची घटना घडली आहे. या घटनेवर विरोधकांकडून संताप व्यक्त करण्यात येत आहे. कल्याणमधील या घटनेवरून शुक्रवारी विरोधकांनी विधानसभेत गोंधळ घालण्याचा प्रयत्न केला. याविषयी सभागृहात बोलण्याची परवानगी काँग्रेसने मागितली होती. परंतु परवानगी नाकारण्यात आल्याने विरोधकांनी सभागृहात गोंधळ घातला. त्यानंतर उद्धव ठाकरे गटाचे आमदार सुनील प्रभू यांनी सभागृहात प्रश्न विचारला. या घटनेतील शुल्का नावाच्या व्यक्तीला लाल दिव्याची गाडी कशी मिळाली? त्यावर मराठी माणसाला मारहाण करणाऱ्यावर कडक कारवाई करण्याचे आश्वासन उपमुख्यमंत्री अजित पवार यांनी दिले.