Maharashtra Politics : पैसे घेऊन उमेदवारी दिली; शिंदे गटाच्या आमदाराचा ठाकरेंवर आरोप!

छत्रपती संभाजीनगर जिल्ह्यातील वैजापूरचे आमदार रमेश बोरनारे यांनी शिवसेना ठाकरे गटाचे प्रमुख उद्धव ठाकरे यांच्यावर २०१९ मध्ये पैसे घेऊन उमेदवारी दिल्याचा गंभीर आरोप केला आहे. उद्धव ठाकरे यांच्या रविवारी झालेल्या सभेवरून रमेश बोरनारे यांनी टीका केली आहे. करंजगाव येथील कार्यक्रमात ते बोलत होते.

उद्धव ठाकरे यांच्यावर टीका करताना, 'हे म्हणतात आज साहेब असते तर उलट टांगलं असतं. मात्र आज जर साहेब असते अन् हे काँग्रेससोबत गेले असते तर बाळासाहेबांनी त्यांना उलट टांगलं असतं. ज्यांनी वाणीसाहेबांना शिव्या दिल्या त्यांच्यासाठी आज हे काम करत आहेत. वाणीसाहेब आज असते तर त्यांनी मला शिंदे साहेबांसोबतच जा असंच सांगितलं असतं. वाणीसाहेबांना अनेकदा शिवसेनेत त्रास झाला. उद्धव ठाकरे यांनी अनेकदा वाणीसाहेबांना आरोपीच्या पिंजऱ्यात उभं केले आहे.'असं बोरनारे यांनी म्हंटल आहे.