Zilla Parishad Voting : मिनी विधानसभेचा धुरळा! पुणे, सोलापूरसह १२ झेडपीसाठी मतदान, कोण मारणार बाजी?

Maharashtra Zilla Parishad elections voting today : पुणे, सोलापूर, धाराशिवसह राज्यातील 12 जिल्हा परिषदा आणि त्या अंतर्गतच्या 125 पंचायत समित्यांच्या सार्वत्रिक निवडणुकींसाठी आज मतदान पार पडणार आहे. रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या 12 जिल्हा परिषद आणि त्याअंतर्गत असणाऱ्या १२५ पंचायत समितीसाठी मतदानाला सुरूवात झाली आहे. आज सकाळी साडेसात वाजता पासूनच नागरिकांनी आपला मतदानाचा हक्क बजावण्यासाठी मतदान केंद्रावर गर्दी केलेली आहे. (Maharashtra Zilla Parishad election live updates)

राज्यातील १२ जिल्हा परिषदेच्या 731 तर पंचायत समित्यांच्या 1 हजार 462 जागांसाठी मतदानाला सुरूवात झाली आहे. सकाळी 7.30 ते सायंकाळी 5.30 या वेळेत मतदान करता येणार आहे. एकूण मतदारांमध्ये 1 कोटी 6 लाख 33 हजार 269 पुरुष, 1 कोटी 1 लाख 86 हजार 965 महिला तर 468 इतर मतदारांचा समावेश आहे.