Video: खूशखबर! मुंबईत म्हाडाच्या घरांची प्रतीक्षा संपणार

MHADA Lottery: मुंबईत म्हाडाचे घर खरेदीसाठी इच्छुक असणाऱ्यांची प्रतीक्षा लवकरच संपणार असून २०३० घरांच्या सोडतीची जाहिरात ८ ऑगस्टला प्रसिद्ध होण्याची शक्यता आहे. तर सप्टेंबरच्या दुसऱ्या आठवड्यात सोडत जाहीर होण्याची शक्यता आहे. जाहिरात प्रसिद्ध झाल्यानंतर तात्काळ अर्जविक्री-स्वीकृतीला सुरुवात होण्याची शक्यता आहे. तर आचारसंहिता लागू होण्याआधीच सोडतीचा निकाल जाहीर करणे आवश्यक असल्याने ऑगस्टच्या दुसऱ्या आठवड्यात निकाल जाहिर केला जाण्याची शक्यता आहे. अद्याप सोडतीची तारीख निश्चित नसल्याचे सांगितले जात असले तरी सुत्रांनी दिलेल्या माहितीनुसार १३ सप्टेंबर ही सोडतीची तारीख असण्याची शक्यता आहे. एकूणच इच्छुकांना अर्ज भरण्यासाठी, अर्ज सादर करण्यासाठी यंदा कमी कालावधी मिळण्याची शक्यता आहे. त्यामुळे इच्छुकांनी तात्काळ आवश्यक ती कागदपत्रे जमा करण्याच्या तयारीला आता लागणे आवश्यक आहे.